• OLD GAL WARS YANKEE GIRL OVER KILLA
Whoi, mi no stop get call from early this morning say two gal buss a big fight over Bounty Killer ah Limelight last night over Dance Xpression Thursdays, people mi girlfriend de right beside everything and see what a gwaan. Killer de de wid a good looking Yankee girl who dem say fly in from New York, but is like the other woman, one ole foot who look like 'bout 63 come inna the dance and spot the rake and decide say ah straight tripping because Killer caan diss har. Mi hear say she go over to him and say: 'am I your bitch, am I your whore? Who is this bitch?'. People start rush in now fi part off the ting because dem nuh want it mash up but same time Fyahlinks announce it loud pon the mike say : 'gal ah war over Killer' and the place get gigi. Everybody start crowd roun and look, and Killer style the old gal and tell her say: 'yu have white inna yu dress, yu shoulda have on full black like dis girl' and then him grab the young gal and cut go inna the Range. Before him lef, him gi Fyahlinks ah dutty look de whe never normal.
But the ole foot - let's call her Matilda - wasn't that, not a bloodcloth. And she grab a bottle and fling pon the gal inna the Range, and start run down the Range breathless when Killa drive off at 90 miles per hour. Mi never know say her ole foot dem coulda move so fast, mi swear say she ah move like Asafa Powell grandmother, but luckily, Killa spot the rake and step pon the gas and bruk the stoplight and escape inna the night. People, mi girlfriend laugh so till her belly bottom cramp. Killer, mi no know, the old gal ting nuh look good pon yu gal resume at all but ah yu ah the Warlord.
source: one876entertainment