October 02, 2009
SHARLENE SUSS: TAKEN FROM WEEKEND CHAT! NEWSPAPER FRIDAY, OCTOBER 02 ,2009
Some people a wonda how mi duh it cuz dem buck mi up a Manhattan a sport and all these tings. Well baby tell yuh dis mi a di mumma fi di suss world. Suss follow me mi nuh run down suss. Suh nuh matta which country or planet mi deh it muss reach mi cuz a got eyes all ova and some inna some really high places. Suh di big bad DJ wey a chat up yuh mouth wen a write bout yuh jus kno sey a yuh...a naah sey it. Link mi pon 1-876-288-9032 (text only please di ansa button nuh work pon it) or email Sharlenesuss@gmail.com.
BABY TASH HELD UP
People ah say Baby Tash have the performance ting locked but dem a wonder when she ah go move from Spain. The other day, one of her male friend dem a drop her home and ah crazy man corral the van, but when dem see say ah she, everything good. Ah she ah the mumma fi roun deh so, but no worry, the Facebook tune ah shot and the show dem start come in, so the future look bright, buy a pair of Gucci shades nuh, mi naah lie mi nuh like dat deh one wey yuh a par wit.
NEVA EXPECT FI DI DON AND DI SONGSTRESS LEF
Trust mi, mi a look and a get alot of info on to wat really happen between di ‘Don’ and di lovely songbird split. Bwoy all mi kno sey every relationship ‘ave problem and most a dem always work back out cuz certain ting can resolve. But fi si di songstress come out and sey we not together no more wen at first some denial was in it. It kinda show sey it deepa from wat wi tink, and lef fi wonda if di Don was tryin to play. Well mi a duh fi mi personal top 10 couple tru thick and thin fi dis month end and mi hope unu resolve it and mek it cuz mi deh nine suh far and a search fi di tenth couple.
VEGAS CELEBRATES BIRTHDAY IN STYLE
Everybody ah blow up mi phone and ah ask mi how Vegas ah cut cake wid Mystic and all these things? Come on, people, how yuh so mix up? A boy and a girl caan be friends, again? And everybody know say Mystic ah get up to all these things. The video sell off though, several popular dancers, including the Jamaican Michael Jackson, M.O.B., Mystic, TNT Squad, Shady Squad among others, and the Japanese yute, ShyN a gwaan good inna the Sassa Step version. Vegas,yuh career look sunny, is like every weekend yuh fly out, while some artiste, nuh kno wey airport deh, not even a visa or a plane ticket dem nuh ave fi certain caribbean island.
WEBSITE PAP DOWN, WHOI
How dem gwaan like dem hype so and nutten nah gwaan fi dem? Oonu can stop bite off mi suss dem now and ah run off oonu mouth say oonu ah the best because nothing nah gwaan fi yuh. Sharlene ah the queen of the suss, every Tuesday and Friday, mi ah talk the tings dem, and from wah day yah, the coffee dry up and the juice water down till not even nothing nah share out again. Whoi, mi body! Abena, what is going on? Yuh bank book deh pon E? What is going on over there?
CHAT TO MI
* Who dig up the skeleton and tief it inna Hayes the other day? Ah pure voodoo business gwaan a Clarendon, jah know.
* Busy yuh need to get busy quick and sort out yuh ting, yuh fren dem ave yuh name a road and it nuh look proppa.
* Where did Tami Chynn and Wayne Marshall have their honeymoon? Word is that it was a villa in an ultra-exclusive luxury resort on an island in the Eastern Caribbean. Mi caan talk too much tings bout it yet. But a ere sey di Mitchell dem did really get some honey from di moon.
* How dem a gwaan like say hime nah mad over Jody? Him still ah blow up her phone all hours ah the night so oonu caan gwaan run up oonu mouth pon the Net. Lady JOP fi life, memba!
* Who dem two girl de from Marcus Garvey High who grab up dem one another hair and ah tear off school uniform inna the middle of Ocho Rios square? It nuh look good atall atall.
* Which Jamaican man get dip from small island fi tief a stereo? How oonu can disgrace Jamaica name so?
* Why the gays dem a pressure yah so hard? Dem a mek life hard fi we ah Jamaica. Bwoy, the gays dem no forget nothing, look how dem a persecute Buju and now dem a pressure the little island. Father, Saviour, pilot me!
* How D’Angel ah wine and ah enjoy herself so a Wet Sundays? The Warlord nuh stop eyes her even though him come in wid Claudia. What is going on?